今次亦都係準備得最多的一次. 其實上年馬拉松之後, 都有keep 住跑下, 也參加了好幾個比賽..
上年年頭狀態都還可以, 到後來天氣轉熱和濕, 狀態意欲都減退很多.
今年係第一次體會到夏天跑步那種辛苦, 個人覺得比扒艇更甚.
後來到了六月, 開始同扒艇戰友阿秋一起練習. 他體能比我好,跟他跑 interval, 頭幾次感覺真係好辛苦, 不過好在有佢一齊跑, 狀態漸漸回復.
有一次同佢傾開下一次馬拉松既目標, 先知大家不約而同都係想跑到3:30, 於是一齊夾下來緊既訓練計劃, 一星期大概跑幾多, 最長跑幾多 etc, 亦都盡量每星期一齊跑長課.
有了training partner, 有了計劃, 有了目標, 個人反而輕鬆下來. 因為我知道, 只要依照計劃, 最終結果都不會差太遠, 我就是要相信呢個計劃可以帶來的結果.
況且人大了, 思想有點改變了, 會著重過程多於結果. 同阿秋練跑, 互相競爭是有的, 但目的唔係為爭一日之長短, 反而係想著大家幫大家進步.
其實去到上年秋天, 已經超越左上一年既成績, 所以覺得要達標應該不難. 但去到一月時, 狀態有少許回落, 好似跑得比之前慢, 開始覺得有需要調整目標.
去到比賽前一個星期, 見到天氣預測比賽當日有點回暖同潮濕, 即刻不敢樂觀, 將目標調低至 3:30 - 3:35.
比賽當日, 帶著三個目標時間 (3:35, 3:30, 3:25)既pace chart, 預備隨時改變計劃. 比賽開始時, 就跟著較慢的兩個pacing 去做, 希望前半段保持係兩個目標之間, 過了一半再作打算.
天氣沒有想像中暖同濕, 感覺不錯, 到了一半時甚至可以達到3:30 既指定時間, 以為自己可以keep 到之際, 步伐竟然不知不覺慢下來, 同埋覺得越來越累, 到了西隧之前, 更覺得有點抽筋...
不過見到 so far 時間比3:35 既目標快兩分鐘, 覺得冇理由要放棄, 於是見步行步, 不敢太快, 也不敢太慢.
去到天星碼頭, 再跟上阿秋, 佢話不如一齊衝線... 就係呢句說話, 成個人亢奮起來, 大家既步伐又再次快起來.
就係咁樣一路衝一路抽之下來到最後直路, 我想, 既然講左一齊衝線, 就言出必行. 應該冇野比一齊衝線作為整個賽季既終點更完美吧!
要再次多謝一起練習過戰友,特別係阿秋同Susan, 多謝老婆既批准及家人既支援!
一個小總結, 今年玩過既其他比賽有:
Tolo10k(四月)
荃灣10k(八月)
Coca-cola 10k (九月)
HKDRC半馬 (十月)
石岡30K (十二月)
美津濃半馬 (一月)
除左美津濃半馬, Coca-cola 10k, HKDRC半馬, 石岡30K 都係我極力推薦的, 希望來緊今年可以叫埋其他戰友玩.
今次既訓練回顧
Apr - Aug: < 30k per week, longest per session: 15k
Sep: 40-50k per week, longest session: 15k
Oct: 50-60k per week, longest session: 20k
Nov: 60-70k per week, longest session: 25k
Dec: ~70k per week, longest session: 33k
Jan: 50-70k per week, longest session: 30k
檢討:
覺得長課有待改善, 寧願pace 稍減, 但希望可以做到兩三次36k, 路線不要只是平路. 另外也要發掘下其他速度訓練, 不要只是做interval.
沒有留言:
張貼留言